"Алтын түйүн" УИТБА
Кыргыз Республикасы,
Бишкек ш., Манас проспекти, 1
rdita.at@gmail.com
+ 996 (312) 31-58-47, 31-58-74

Сыдыкова Сезим
БРИТАнын тарбиялануучусу

Мен учурда Россиянын алдыңкы жогорку окуу жайларынын бири болгон Москва шаарындагы Г.В. Плеханов атындагы Россия экономика университетинде финансист адистигинде билим алып жатам. Бул ийгиликке жетишүүмө РДИТА «Алтын туйун» академиясында алган билимим, мугалимдердин кесипкөйлүгү жана академиянын тышкы окуу ишмердүүлүгү чоң өбөлгө түздү.  «Алтын туйун» жаштарга өз максаттарын ишке ашырууга, долбоордук ишмердүүлүккө акырындап аралашууга, лидерлик жана коммуникациялык сапаттарын өнүктүрүүгө эң сонун мүмкүнчүлүктөрдү берет!

Мен Солтобаева Дильбара Шадыбековнанын ийримдерине катышып, сүрөт тартуу, түстөрдү айкалыштырууну үйрөнүп, көптөгөн сүрөт конкурстарына катыштым. Ошондой эле, мен төрт жылдан ашуун убакытты информатика илимине арнадым. Башында Буренко Лариса Александровнанын информатика ийриминде билим алып, өзүмдүн биринчи долбоорумду жазып, аны «Биз – XXI кылымдын интеллектуалдары» эл аралык конкурсунда коргогом. Андан соң Комкова Маргарита Александровнанын жетекчилигинде дагы бир нече долбоорлорду ишке ашырып, эки жолу эл аралык конкурстун жеңүүчүсү болдум.

Ошондой эле, Шумейко Александра Владимировна жана Лихоманова Надежда Николаевнанын сабактарына катышып, алардын тажрыйбасынын аркасында математика жана физика боюнча республикалык олимпиаданын көп жолку жеңүүчүсү болуп, ОРТны ийгиликтүү тапшырып, ар кандай конкурстарда мыкты жыйынтыктарды көрсөтө алдым.

«Алтын туйун» мага төмөнкүдөй баалуу көндүмдөрдү берди: коом алдында чыгуу жана өз оюн так жеткирүү; критикалык ой жүгүртүү; долбоорлорду тааныштыруу жана коргоо; маалыматты изилдөө жана комплекстүү анализдөө; жаңы жана кызыктуу адамдар менен таанышуулар.

Мен өзүмдүн жетишкендиктерим үчүн академиянын бардык педагогдоруна терең ыраазычылык билдирем!